/p. 235/ sapientes, ubi servitus aut obedientia.
At quis hominum vel basiliscis, vel apibus,
vel hirundinibus, vel balenis, vel aquilis
constituit rempublicam? Profecto, si feras capit
homo, saepius capitur ab ipsis. Crocodilus
e Nilo sola cauda venatur bibentes
nexibusque implicitos ad se trahit, item
flagellis polypus urinatores. Denique, si interficit
homo, interficitur quoque, si vorat,
voratur. Alex. – Haec autem animalium in homines
rebellio post peccatum evenit. At cum
in illis beatissimis innocentiae Elysijs parentes
nostri felicem degebant vitam, omnia illis obediebant
animalia. O auream aetatem! I. C. –
Ne ingemiscas! Nam et post peccatum oviculae
parent homini et ante peccatum serpens
praed... Alex. – Dictum puto. I. C. – Id ipsum ego
volebam dicere: felicem Adae culpam, quae talem
ac tantum meruit habere Redemptorem!
Non enim animantibus solum nunc imperamus,
sed et Angelos ipsos pro Paedagogis habemus.
Sed, quaeso, haec doctis Sorbonae senibus
relinquamus et nostra, si placet, in philosophicis
exerceamus ingenia. Alex. – Non recuso.